یغدی خیر و برکت سفره سین، احسانله گئتدی
یغدی خیر و برکت سفره سین، احسانله گئتدی
امن-امانلیف دا یوکون باغلادی، ایمانله گئتدی
بیگ-خان اولمازسا دئیه ردیک اولاجاق کندیمیز آباد
او خراب کتده ، و لاکن ائله بیگ-خانله گئتدی
(سیلو)دایر اولالی، هر نه دگیرمان ییغیشیلدی
آمما خالص-تمیز اونلاردا،دگیرمانله گئتدی
مستبد سلطانی سالدوق، کی اولا خلقمیز آزاد
سونرا باخدیق کی آزادلیق دا او سلطانیله گئتدی
بیر (بلی قربان!) اولوب ایندی بیزه مین بلی قربان
آمما (خلعت وئرن) اول بیر بلی قربانله گئتدی
دوز مسلمانه دیئیردیک:قولاغی توکلودی بدبخت
ایندی باخ، گور کی او دوزلوک ده ، مسلمانله گئتدی
وئرمه(صابر)دئدی، او دولما-فسنجانی آخوندا
آغزیمیزدان دا داد، اول دولما- فسنجانله گئتدی
دئدی انسانیمز آزدیر، هامی انسان گرک اولسون
آمما انسانلیقمزدا، او آز انسانله گئتدی
بو قدر (دفتر)و (اسناد) له ، بیر حقه چاتان یوخ
حق وئرنلر (پیتیگی) میرزا قلمدانله گئتدی
بیزه بیر دین قالا بیلمیشدی میراث، بیرده بو ایران
دین گئدنده دئدی:" تک گئتمه رم! " ایرانله گئتدی
ایسته دیک قانلا یوواق ئولکه میزین لکه سین، آمما
ئولکه میز خالص ئوزی لکه اولوب قانله گئتدی
یورقانی اوغری قاپاندا، دئدی ملانصرالدین:
نیله سین چیلپاغیدی،اوغری دا یورقانله گئتدی
هاوا انسانی بوغور باش -باشا " گاز کربنیک " اولموش
یئل ده اسمیر، ائله بیر، یئل ده سلیمانله گئتدی
سو، کرج دن " کلور " ایله گلی پاسلی دمیرده
گوره سن " شاه سویی " تک چشمه نه عنوانله گئتدی
ترکی اولموش قدغن، دیوانیمیزدان دا خبر یوخ
"شهریارین" دیلی ده وای دئیه، دیوانله گئتدی.
